Tung Tung - Albumet

Sponsored by:

Supported by:

Design by:

Grupi “Tung Tung” deri tani ka nxjerrë tre albume.

I pari, i titulluar “Rrushi i Kuq” (“Red Grapes”), u publikua në mars të vitit 2003. Përmban 8 pikë, 6 prej të cilave janë këngë popullore shqiptare, të adaptuara dhe të aranzhuar në një stil të xhazit të lehtë bashkëkohor. Pikat janë: “Rrushi i Kuq”, “Hajde Malenake”, “Kur Hëna Del”, “Esmerja”, “Hajredin Pasha” dhe “Laje Ti Moj Goce Shaminë e Beqarit”, ndërkaq 2 të tjerat janë internacionale: “Make Me a Memory” (G. Washington) dhe “Tequilla”.

Në tetor to vitit 2005, doli në dritë edhe albumi i dytë që titullohet “Dukati” (“Golden Coin”), sipas njërës prej këngëve të tij. Albumi përmban 9 pikë, këngë shqiptare popullore, siç u përmend më lart, të aranzhuara dhe të adaptuara në një stil modern, bashkëkohor të xhazit të lehtë. Pikat që përmban albumi i dytë janë: “Si Dukati i Vogël Je”, “Oj Zoge”, “Mollë e Kuqe Top Sheqer”, “Kur Del Goca”, “Ç’mu Dëshiru”, “Bubullimë te Shkëmbi i Kavajës”, “Të Du mi Gocë e Vogël”, “Moj Selvie” dhe “Melodi Arvanite”. Instrumentet muzikore të përdorura janë: saksofon (alto dhe soprano), kitarë elektrike, violinë, klarinetë, xhaz bateri dhe synth.

Të dy albumet e lartpërmendur, ngërthejnë në vete xhaz të lehtë, zhanrin funky, bluzin si zhanre botërore krahas asaj popullore shqipe si bazament. Përshkrimi më i mirë i muzikës në këto CD është zhanri etno-xhaz. Ky lloj i muzikës (zhanri etno-xhaz) është mënyra më efektive e prezantimit të muzikës popullore shqiptare botës si dhe mënyra më e mirë për mirëkuptim të ndërsjellë kulturor në përgjithësi.

Në fillim të janarit të vitit 2008, doli në dritë edhe albumi i tretë i titulluar "Dukati i ri". Ky album paraqet një vazhdimësi të veprimtarisë së deritanishme të grupit "Tung Tung", por i punuar me më shumë kujdes. Më poshtë janë dhënë këngët e albumit të ri, në tërësi.

Per te zbritur kenget klikoni mbi link me klikun e djathte dhe selektoni "Save Target As"